निष्पक्ष र विश्वसनीय खबरको सँगालो 
Khabar Punja
२४ मंसिर २०८२, बुधबार
चितवन, ५ असाेज । नारायणगढ–मुग्लिङ सडकखण्डको तुइन खोलामा तीन दिनपछि बल्लतल्ल आइतबार एकतर्फी सञ्चालन भएको राजमार्ग साँझपख फेरि अवरुद्ध भएको छ। राजमार्ग अवरुद्ध भएपछि प्रहरीले वैकल्पिक बाटो प्रयोग गर्न सर्वसाधारणलाई आग्रह गरेको छ।
साँझ ८ बजे पुन: पहिरो खसेपछि राजमार्ग अवरुद्ध भएको प्रहरीले जानकारी दिएको छ।
चितवन प्रहरीका अनुसार साँझ ८ बजेपछि निरन्तर पहिरो खसिरहेकाले पन्छाउने अवस्था छैन। रातको समयमा झन् जोखिम हुने भएकाले बेलुका ९ बजेबाट बिहान ५ बजेसम्म आवागमन रोक्न सूचना जारी भएको थियो। तर,पहिरो खसेपछि राजमार्ग नै अवरुद्ध भएको हो।
शुक्रबार साँझदेखिआइतबार साँझसम्म राजमार्ग अवरुद्ध हुँदा हजारौँ सवारीसाधन बाटोमै अलपत्र परेका थिए।
