निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
पाेखरा : बालिकालाई बलात्कार गरेको आरोपमा कास्की प्रहरीले एकजनालाई पक्राउ गरेको छ । पोखराको रामबजारकी ९ वर्षीया बालिका बलात्कृत भएको भन्दै कास्की प्रहरीमा शुक्रबार जाहेरी परेको थियो ।
जाहेरी परेलगत्तै फरार रहेका आरोपित स्याङजा विरुवा गाउँपालिका वडा नम्बर ७ घर भई पोखरा १० बस्ने ५५ वर्षीय रेसबहादुर गुरुङलाई स्याङ्जास्थित घर नजिकैबाट पक्राउ गरिएको कास्की प्रहरीले जानकारी दिएको छ ।
स्याङ्जा प्रहरीको सहयोगमा आइतबार राती ८ बजे घर नजिकै लुकिरहेको अवस्थामा उनलाई पक्राउ गरिएको कास्की प्रहरी प्रवक्ता सुवास हमालले जानकारी दिनुभयाे ।
