निष्पक्ष र विश्वसनीय खबरको सँगालो 
Khabar Punja
१५ माघ २०८१, बुधबार
चितवन/साेमबार पहिराे खसेपछि अवरुद्ध भएकाे नारायणघाट मुग्लिङ सडकखण्ड मङ्गलबार साँझबाट एकतर्फी रुपमा सञ्चालनमा आएकाे छ । मुग्लिङकाे चारकिलाेमा खसेकाे पहिराे सफा गरेर ४:३० बजे एकतर्फी रुपमा सवारीसाधन सञ्चालन गरिएकाे नारायणगढ मुग्लिङ सडक आयाेजनाले जानकारी दिएकाे छ ।
अब पृथ्वी राजमार्ग अन्तरगत केबुलकार, चुम्लिङटार र फिस्लिङ्ग नजिकै पहिरो फाल्ने क्रम जारी छ । मङ्गलबार साँझसम्ममा नै चितवन जिल्ला भित्र पर्ने राजमार्ग सुचारु गराउने तयारी गरि काम भइरहेकाे छ। सडक डिभिजन भरतपुरले चितवन जिल्लाको राजमार्गमा मात्र पाँच वटा लोडर, छ वटा ब्याकहु र एउटा एक्साभेटर प्रयोग गरेर राजमार्ग सुचारु गराउने प्रयास गरिरहेकाे छ ।
