Khabar Punja

तनहुँ/आँबुखैरेनी गाउँपालिकास्थित क्वारेन्टिनमा रहेका दश जनाको कोरोना रिपोर्ट नेगेटिभ आएको छ । साउन ५ गते स्वाब सङ्कलन गरी परीक्षणका लागि पोखरा पठाइएकामा बुधबार प्राप्त रिपोर्ट अनुसार उनीहरुमा कोरोना पुष्टि नभएको हो ।

यससँगै आँबुखैरेनी गाउँपालिकाका क्वारेन्टिन आजबाट खाली हुने भएको छ । रिपोर्ट नेगेटिभ आएकाहरुलाई बुधबार नै घर पठाउने तयारी गरिएको गाउँपालिकाका स्वास्थ्य शाखा प्रमुख अगमराज उपाध्यायले जानकारी दिनुभयो । “हाल दश जना मात्रै क्वारेन्टिनमा हुनुहुन्थ्यो, उहाँहरुलाई आजै (बुधबार) घर पठाएपछि क्वारेन्टिन खाली हुन्छ ।”