निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
तनहुँ/व्यास नगरपालिका–१४ घर भई हाल साइप्रसमा रहनुभएका दुर्गानिधी कौडाल (नवराज) द्वारा रचित ‘मनको बोह’ बोलको गीत रेकर्ड भएको छ । गीतकार तथा सङ्गीतकार डा. श्यामसुन्दर चौधरीको आवाजमा उक्त गीतको शनिबार रेकर्ड भएको हो ।
गजल, आधुनिक र रोइला गीत रचना गरिसक्नुभएका कौडालले माया पिरतीका शब्द समेटेर गीत रचना गरेको जानकारी दिनुभयो ।
तिमीसँग मनको बह पोख्न पाको थिइन
बाध्यताले तिमीसँग भेट्न पाको थिइन
सुनेको थिए पराइसँग नाता जोड्दै छौ रे
अजम्बरी भनेर लाएको माया तिमीले तोड्दै छौ रे
तिमीसँग बाचा कसम खान पाको थिइन
झुटो माया तिमीसँग मैले लाको थिइन
यस अगाडी कौडालले आधुनिक गजल ‘भन्छन् नि त दुनियाँले’, रोइला ‘चुलबुले’ र लोक तथा आधुनिक ‘मर्म’ गीत रचना गरिसक्नुभएको छ ।
