निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
तनहुँ । तनहुँको भीमाद नगरपालिकाका एक पुरुषमा कोरोना पुष्टि भएको छ । क्षयरोग उपचार केन्द्र पोखरामा गरिएको परीक्षण अनुसार भीमादका ३७ वर्षीय पुरुषमा कोरोना पुष्टि भएको हो ।
कोरोना पुष्टि भएकालाई आइसोलेशन कक्षमा लैजाने तयारी गरिएको स्वास्थ्य निर्देशक डा. विनोदविन्दु शर्माले जानकारी दिनुभयो ।
बुधबार गण्डकी प्रदेशका तनहुँ सहित स्याङ्जा, बागलुङ र म्याग्दीका ५ जनामा कोरोना पुष्टि भएको छ । योसँगै प्रदेशमा कोरोना सङ्क्रमितको सङ्ख्या १ हजार ४ सय ३५ पुगेको छ ।
