निष्पक्ष र विश्वसनीय खबरको सँगालो 
Khabar Punja
२८ कार्तिक २०८१, बिहीबार
तनहुँ / बैङ्कसम्म जान नसक्नेलाई शुक्लागण्डकी नगरपालिकाका एक जना वडाध्यक्षले घरघरै पुगेर सामाजिक सुरक्षा भत्ता वितरण गर्नुभएको छ । शुक्लागण्डकी नगरपालिका–७ का अध्यक्ष रामबहादुर क्षेत्री थापाले आफ्ना वडाका अति अशक्त र अपाङ्गलाई घरघरै पुगेर गत आर्थिक वर्षको अन्तिम चौमासिकको भत्ता वितरण गर्नुभएको हो ।
लुम्बिनी बिकास बैङ्क खैरेनीटार शाखाको सहयोगमा शुक्रबार वडाका ५ जनालाई भत्ता वितरण गरेको उहाँले जानकारी दिनुभयो । उहाँले वडाबासीको सहजताका लागी उहाँले यसअगाडी देखी नै घरघरै पुगेर भत्ता वितरण गर्दै आउनुभएको छ ।
घरमै वडाध्यक्ष आएर भत्ता दिएपछि सजिलो भएको भोटेपानीका मोहन सुनारले बताउनुभयो । हिँडडुल गर्न नसक्ने उहाँले बैंकमा जान नपरेकोमा खुशी व्यक्त गर्नुभयो । बैङ्कसम्म जानलाई ट्याक्सी खोज्नु नपरेको सुनारले सुनाउनुभयो ।
