निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
तनहुँ । तनहुँकाे आँबुखैरेनी गाउँपालिकाका कर्मचारीमा काेराेना पुष्टि भएपछि कन्ट्याक्ट ट्रेसिङ गर्दा चार जनामा काेराेना पुष्टि भएकाे छ । काठमाडौंबाट तनहुँ फर्किएका उच्च जिम्मेवारीमा रहनुभएका कर्मचारीमा कोरोना पुष्टि भएपछि कन्ट्याक्ट ट्रेसिङबाट स्वाब परीक्षण गरिएकामा उहाँका परिवारमा काेराेना पुष्टि भएकाे हाे ।
गण्डकी स्वास्थ्य निर्देशनालयका अनुसार ती कर्मचारीको सम्पर्कमा आएका ७, १४ र ८२ वर्षका पुरुष र एकजना ७२ वर्षीय महिला छन् । उनीहरु सबै सङ्क्रमित कर्मचारीका परिवारका सदस्यहरु हुन् ।
पोखरा-८ मा बस्दै आएका ती कर्मचारीको ५ जना आफन्तको स्वाब परीक्षणका लागि दिइएकोमा एकजनाको रिपोर्ट भने नेगेटिभ आएको छ । आँबुखैरेनीबाट कर्मचारी र जनप्रतिनिधि गरी २१ जनाको स्वाब परीक्षणका लागि पठाइएको थियो । उनीहरु सबैको रिपोर्ट नेगेटिभ आएको गाउँपालिकाले जनाएकाे छ ।
