निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
पाेखरा । कास्कीका थप ८ जनामा कोरोना पुष्टि भएको छ । क्षयरोग उपचार केन्द्र पोखरामा गरिएको परीक्षण अनुसार पोखरा महानगरपालिकाका चार पुरुष र चार महिलामा कोरोना पुष्टि भएको हो ।
पोखरा महानगरपालिका–१९ का ६८, ५८, ८८ र पोखरा महानगरपालिका–१५ का ३२ वर्षीया महिलामा कोरोना पुष्टि भएको स्वास्थ्य निर्देशनालयका निर्देशक डा. विनोदविन्दु शर्माले जानकारी दिनुभयो । त्यस्तै पोखरा महानगरपालिका–१९ का ५७, ६०, ६० र पोखरा महानगरपालिका–३२ का १९ वर्षीय पुरुषमा कोरोना पुष्टि भएको छ ।
शुक्रबार बिहानमात्रै पोखरा महानगरपालिकामा दुई जनामा कोरोना पुष्टि भएको थियो । योसँगै गण्डकी प्रदेशमा कोरोना सङ्क्रमितको सङ्ख्या एक हजार ५ सय ८७ पुगेको छ ।
