निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
पाेखरा । गण्डकी प्रदेशमा ८ कोरोना सङ्क्रमित थपिएका छन् । स्वास्थ्य निर्देशनालयले मङ्गलबार बिहान सार्वजनिक गरेको विवरण अनुसार कास्की, नवलपुर र बागलुङका ५ पुरुष र ३ महिलामा कोरोना पुष्टि भएको हो ।
स्वास्थ्य निर्देशक डा. विनोदविन्दु शर्माका अनुसार कास्कीको पोखरा महानगरपालिकाका वडा नं नखुलेका ५०, २५ वर्षीया महिला, वडा नं ६ का २३ र २८ वर्षीय पुरुषमा कोरोना पुष्टि भएको छ । नवलपुरको कावासोती नगरपालिका वडा नं २ का १४ र ३७ वर्षीया महिलामा कोरोना पुष्टि भएको छ । बागलुङको बरेङ गाउँपालिका वडा नं २ का २५ वर्षीय महिला र ६ वर्षीय बालकमा कोरोना पुष्टि भएको छ ।
योसँगै गण्डकी प्रदेशमा कोरोना सङ्क्रमितको सङ्ख्या १ हजार ७ सय ६४ पुगेको छ ।
