निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
तनहुँ । पोखराको कास्की सेवा हस्पिटलमा उपचाररत तनहुँकी एक महिलाको मृत्यु भएको छ । व्यास नगरपालिका-१ अम्रेनी निवासी ५० वर्षीया ती महिलामा मृत्यु पछि कोरोना पुष्टि भएको छ ।
उनको सोमबार राति साढे ११ बजे निधन भएको स्रोतले जनाएको छ । ती महिला मधुमेह र निमोनियाको बिरामी थिइन् । उनी साउन ३२ गते उपचारका लागि अस्पताल भर्ना भएकी थिइन् । उनकाे २५ वर्षीय छाेरीमा समेत काेराेना पुष्टि भएकाे अस्पताल स्राेतले जनाएकाे छ ।
ती महिलाकाे आइसियुमा उपचार भइरहेकाे थियाे । अस्पतालका निर्देशक डा. पदमबहादर खड्का अनुसार साेमबार बिहान उनकाे स्वाब सङ्कलन गरी परीक्षणका लागि पठाइएकाे थियाे ।
याेसँगै गण्डकी प्रदेशमा कोरोनाको सङ्क्रमणबाट मृत्यु हुनेको संख्या ६ पुगेको छ ।
पाेखरा जानु अघि दमाैलीकाे मेडिकलमा उपचार
पाेखरा जानु अगाडी ती महिलाले दमाैलीकाे एक मेडिकलमा उपचार गराएकाे खुलेकाे छ । उक्त मेडिकलमा दुई/तीन दिन उपचार पश्चात उनी पाेखरा गएकाे स्राेतले जानकारी दिएकाे छ ।
