निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
तनहुँ । पोखरा महानगरपालिका–१६ निवासी ८७ वर्षीय वृद्धको मंगलबार कोरोनाबाट मृत्यु भएको छ । पोखरा स्वास्थ्य विज्ञान प्रतिष्ठानमा साउन ३२ गतेदेखि उपचाररत ती वृद्धको मंगलबार बिहान १०ः४० बजे मृत्यु भएको हो ।
साउन ३२ गते उच्च ज्वरो तथा श्वासप्रश्वासमा समस्या भई उपचारका लागि आएका ती पुरुषमा उच्च रक्तचाप, मधुमेह, मिर्गौला रोगबाट पीडित रहेको प्रतिष्ठानका सहप्राध्यापक डा. अर्जुन आचार्यले जानकारी दिनुभयो । उहाँका अनुसार कोरोनाबाट उपचारको क्रममा प्रतिष्ठानमा मृत्यु हुने निज चौथो संक्रमित हुन् ।
यसैगरी सोमबार राति मात्रै तनहुँको व्यास नगरपालिका–१ निवासी ५० वर्षीया महिलाको कास्की सेवा हस्पिटलमा कोरोनाबाट मृत्यु भएको थियो । गण्डकी प्रदेशमा कोरोनाबाट मृत्यु हुनेको संख्या ७ पुगेको छ ।
