Khabar Punja

काठमाडाै : सज्जा चाैलागाइँले नेपाल आइडल सिजन–३ को उपाधि जित्नुभएकाे छ । शुक्रबार भएकाे नेपाल आइडलको फाइनलमा अन्य दुई प्रतिस्पर्धीलाई पछाडी पार्दै सज्जाले उपाधि जित्नुभएकाे हाे । प्रतियाेगितामा फस्ट रनरअप प्रवीण बेडुवाल र सेकेन्ड रनरअप किरणकुमार भुजेल घाेषित हुनुभएकाे छ ।

दर्शकले विश्वभरबाट दिएको भोट र निर्णायकको मूल्यांकनका आधारमा अन्नपूर्ण मिडिया नेटवर्कका अध्यक्ष क्याप्टेन रामेश्वर थापाले नेपाल आइडलको विजेता घोषणा घोषणा गर्नुभयाे । एपी वान एचडी टेलिभिजनबाट हरेक हप्ता बिहीबार र शुक्रबार प्रसारण हुँदै आएको रियालिटी सो नेपाल आइडल नेपाली सांगीतिक इतिहासको सर्वाधिक रुचाइएको कार्यक्रम हो।

नेपाल आइडल–३ को उपाधिसहित विजेताले ५० लाख रुपैयाँ पुरस्कार प्राप्त गर्नुभएकाे छ। यसैगरी फस्ट रनरअपले १५ लाख र सेकेन्ड रनरअपले पाँच लाख नगद प्राप्त गर्नुभएकाे छ। आइडलको फिनालेमा सीमित मानिस र दर्शकको उपस्थितिमा विजेता घोषणा गरिएको छ ।