निष्पक्ष र विश्वसनीय खबरको सँगालो 
Khabar Punja
२० बैशाख २०८१, बिहीबार
तनहुँ : झाडापखालाले तनहुँको आँबुखैरेनी गाउँपालिका–६ का वडाध्यक्ष सुनाराम गुरुङ सहित उहाँका परिवार झाडापखालाले बिरामी पर्नुभएको छ । शनिबारदेखि वडाध्यक्ष गुरुङ सहित उहाँका श्रीमती र छोराछोरी बिरामी पर्नुभएको हो ।
आँबुखैरेनी गाउँपालिका–५ घुमाउनेमा बसोबास गर्दै आउनुभएका उहाँका परिवारलाई शनिबारदेखि झाडापखाला लागेको हो । “छिमेकीहरुलाई दुई÷तीन दिनदेखि झाडापखाला लागेको थियो, हाम्रो परिवारलाई पनि हिजोबाट शुरु भयो,” वडाध्यक्ष गुरुङले भन्नुभयो, “के कारणले भयो भन्ने चाँही थाहा भएको छैन ।” छिमेकीहरुको भने शनिबारदेखि नै स्वास्थ्य सुधार भइसकेको र आफ्नो परिवारको सुधार हुने क्रममा रहेको वडाध्यक्ष गुरुङले जानकारी दिनुभयो ।
आँबुखैरेनी गाउँपालिका–५ का वडाध्यक्ष पञ्चबहादुर गुरुङले आफूले पनि यस बारेमा आज बिहान मात्रै जानकारी पाएको बताउनुभयो । “स्वास्थ्यको टोली त्यसतर्फ गइसकेको छ, त्यसपछि मात्रै विस्तृत थाहा हुन्छ,” उहाँले भन्नुभयो ।
