निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
एजेन्सी : ब्राजिली प्लेमेकर फिलिपे कौटिन्हो क्याटलान क्लब बार्सिलोनाको प्रशिक्षण क्याम्पमा समावेश भएका छन् ।
बार्सिलोनाले नयाँ सिजनका लागि ३० अगस्टबाट प्रशिक्षण थालेपनि कौटिन्हो झन्डै एक सातापछि प्रशिक्षण क्याम्पमा जोडिएका हुन् । कौटिन्होले जर्मन क्लब बायर्न म्युनिखमा आफ्नो एक वर्षको फलदायी लोनको समयसीमा पुरा गर्दै बार्सिलोना फर्किएका हुन् ।
२१ दिनअघि मात्रै बायर्न म्युनिखले च्याम्पियन्स लिगको क्वाटरफाइनलमा बार्सिलोनामाथि ८–२ को सानदार जित निकाल्दा कौटिन्होले दुई गोल र एक असिस्ट दिएका थिए ।
कोउटिन्हो अब म्मियामित प्रशिक्षणमा सहभागी हुन उनी स्पेन फर्किसकेका छन् । क्लबले प्रशिक्षण पिचमा प्राविधिक रुपमा प्रतिभाशाली मिडफिल्डर कौटिन्होले प्रशिक्षण गर्दै गरेको तस्विर सार्वजनिक गरेका छन् ।
एक तस्विरमा कौटिन्होले मास्कमा क्यामेरामा फेस गर्दै थम्स् दिएका छन् । अर्काे तस्विरमा २८ वर्षीय कौटिन्हो बलसँग दौडिरहँदा पृष्ठभुमिमा बार्सिलोनाका अन्य खेलाडीहरु प्रशिक्षण गरिरहेको देख्न सकिन्छ ।
इंग्लिस क्लब लिभरपुलका पुर्वखेलाडी कौटिन्हो यसै समरमा नोउक्याम्पबाट बाहिरिने सम्भावना छ । कौटिन्होको लागि चेल्सी, टोटेनहम, आर्सनल, लेस्टर सिटी लगायतले अनुबन्धको प्रयास गरिरहेका छन् । तर बार्सिलोनाका नयाँ प्रशिक्षक रोनाल्ड कोम्यानले उनलाई अझै बार्सिलोनामै राख्न सक्नेछ ।
क्लबका सिनियर खेलाडीहरु क्लबबाट बाहिरिने संघारमा रहेका कारण कौटिन्होलाई कोम्यानले टोलीमै राख्न सक्नेछन् । कप्तान लियोनेल मेस्सीको स्थानान्तरणको चर्चाले बार्सिलोना तनावको अवस्थामा रहेको छ ।
कौटिन्हो २०१८ मा लिभरपुलबाट बार्सिलोना पुगेका थिए । एक सिजन बार्सिलोनामा बिताएर राम्रो प्रदर्शन गर्न नसकेपछि बार्सिलोनाले कौटिन्होलाई लोनमा बायर्न पठाएको थियो । बायर्न यो सिजनको च्याम्पियन्स लिगको च्याम्पियन, बुन्डेसलिगा च्याम्पियन र जर्मन कप जित्दा कौटिन्हो टोलीका महत्त्वपुर्ण सदस्य रहेका थिए ।
