निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
तनहुँ : तनहुँको शुक्लागण्डकी नगरपालिकाका थप एक जनामा कोरोना सङ्क्रमण पुष्टि भएको छ । शुक्लागण्डकी नगरपालिका-५ का ५९ वर्षीय पुरुषमा कोरोना पुष्टि भएको स्वास्थ्य निर्दशनालयले शुक्रबार सार्वजनिक गरेको विवरणमा उल्लेख छ ।
पोखरा स्वास्थ्य विज्ञान प्रतिष्ठानको फिभर क्लिनिकमा स्वाब परीक्षण गर्दा उहॉमा कोरोना पुष्टि भएको स्वास्थ्य निर्देशक डा. विनोदविन्दु शर्माले जानकारी दिनुभयो ।
यस्तै गण्डकी प्रदेशमा शुक्रबार १७ जना कोरोना सङ्क्रमित थपिएका छन् । कास्कीमा दुई, स्याङ्जामा दुई, तनहुँमा एक र नवलपुरमा १२ जना सङ्क्रमित थपिएका छन् । योसँगै गण्डकी प्रदेशमा कोरोना सङ्क्रमितको सङ्ख्या २७४७ पुगेको छ ।
