निष्पक्ष र विश्वसनीय खबरको सँगालो 
Khabar Punja
८ माघ २०८१, बुधबार
एजेन्सी : स्पेनिस ला लिगा फुटबलअन्तर्गत आज (बिहीबार) राति विभिन्न तीन खेल हुँदै छन् । आज हुने खेलमा बार्सिलोनाले सेल्टा भिगोसँग प्रतिस्पर्धा गर्नेछ । सेल्टाको घरेलु मैदानमा हुने दुई टोलीबीचको खेल नेपाली समयअनुसार राति १:१५ मा सुरु हुनेछ ।
आजको खेलमा बार्सिलोना जित निकाल्दै अंक तालिकामा आफूलाई बलियो बनाउने योजनामा छ । लिगमा यो सिजन बार्सिलोनाले आफ्नो दोस्रो खेल खेल्न लागेको हो । पहिलो खेलमा भियारियललाई ४-० गोलको फराकिलो अन्तरले पराजित गरेको बार्सिलोनाले दोस्रो खेलमा पनि सहज जित निकाल्ने योजनामा बनाएको छ ।
बार्सिलोनाका लागि मुख्य प्रशिक्षक रोनाल्ड कोम्यानका लागि पनि यो दोस्रो खेल हो । यता सेल्टा भिगो पनि आजको खेलमा सहज जित निकाल्ने योजनामा छ । घरेलु मैदानमा हुने खेलमा सेल्टा भिगोलाई केही राहत मिल्नेछ ।
आजै हुने अर्को खेलमा एथ्लेटिक क्लबले काडिचसँग प्रतिस्पर्धा गर्दै छ । खेल नेपाली समयअनुसार राति १०:४५ मा सुरु हुनेछ । सोही समयमा हुने अर्को खेलमा सेभियाले लेभान्तेलाई आतिथ्यता प्रदान गर्नेछ ।
