निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
तनहुँ : तनहुँको शुक्लागण्डकी नगरपालिकामा ५ जना कोरोना संक्रमित थपिएका छन् । स्वास्थ्य निर्देशनालयले बिहीबार दिउँसो सार्वजनिक गरेको विवरणमा ३ वडाका उक्त संख्यामा संक्रमित थपिएका हुन् ।
होम क्वारेन्टिनमा बसेका वडा नम्बर ८ का ३३, २२ वर्षीय पुरुष, वडा नम्बर ५ की ५७ वर्षीया महिला तथा वडा नम्बर ४ मा होटल क्वारेन्टिनमा बसेका ३१ र १९ वर्षीय पुरुषलाई संक्रमण पुष्टि भएको स्वास्थ्य शाखा प्रमुख अजय श्रीवास्तवले जानकारी दिनुभयो । उनीहरुलाई आईसोलेसनमा लैजाने तयारी भएको छ ।
तनहुँमा ५ जना सहित गण्डकी प्रदेशमा ९ जना संक्रमित थपिएका छन् । थप ४ जना बाग्लुङको काठेखोला गाउँपालिकाका हुन् । योसंगै गण्डकी प्रदेशमा संक्रमितको संख्या ३ हजार ९ सय ४९ पुगेको छ ।
