निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
तनहुँ : लागुऔषध मुद्धाका एक फरार प्रतिवादी आठ वर्षपछि पक्राउ परेका छन् । पक्राउ पर्नेमा बन्दीपुर गाउँपालिका-१ गुरुङटार बस्ने सुदन थापा रहेको जिल्ला प्रहरी कार्यालय तनहुँले जनाएको छ।
जिल्ला अदालत तनहुँको मिति २०६९ जेठ १६ गतेको फैसलाले निजलाई २ महिना कैद र रु दुई हजार जरीवाना तोकिएको थियो । त्यसमध्ये निजले दुई दिन कैद तथा तोकिएको जरीवाना भुक्तानी गर्न बॉकी थियो ।
पक्राउ परेकालाई शुक्रबार अदालत पेश गरिएकामा कैद भुक्तानका लागि कारागार चलान गरिएको प्रहरीले जनाएको छ ।
विभिन्न अपराध एवं मुद्दाहरुमा संलग्न रही फरार रहेका तथा अदालतबाट फैसला भई दण्ड, जरीवाना, दसौदी, कोर्ट फि र सरकारी बिगो समेत तिर्न बाँकी भएका व्यक्तिहरुको खोजी कार्यलाई तीव्रता दिइएको छ ।
