निष्पक्ष र विश्वसनीय खबरको सँगालो 
Khabar Punja
११ आश्विन २०८१, शनिबार
पाेखरा : गण्डकी प्रदेशमा सोमबार थप २७ जनामा कोरोना संक्रमण पुष्टि भएको छ । संक्रमित हुने २६ जना पोखरा महानगरका हुन् । पोखरा महानगरको वडा नम्बर ३ मा १० जना संक्रमित भएका छन् । वडा नम्बर १४का तीन जना, वडा नम्बर १०, ७ र ११ का दुई–दुई जना र वडा नम्बर १७, १२, ३०, १३, १९, २२ र वडा नखुलेको एउटा वडाका एक–एक जना संक्रमित भएका हुन् ।
नवपुलरमा एक जनामा कोरोना संक्रमण पुष्टि भएको छ । नवपुरको मध्यविन्दुका एक जनामा संक्रमण पुष्टि भएको गण्डकी प्रदेश स्वास्थ्य निर्देशनालयका निर्देशक डा. विनोदविन्दु शर्माले जानकारी दिनुभयाे । निर्देशक डा. शर्माका अनुसार पोखरा १४ का ५१ बर्षीय पुरुष फेवासिटी अस्पतालमा उपचाररत छन् ।
वडा नम्बर १४का २२ बर्षीय पुरुष दुबईबाट आएका हुन् । वडा नम्बर १२ का ३६ बर्षीय पुरुष पशुपन्छी तथा मत्स्य बिकाश निर्देशनालय पोखरामा कार्यरत चिकित्सक हुन् । बाँकी सबै कन्ट्रयाक ट्रेसिङका क्रममा संक्रमित भेटिएका हुन् । सोमबार थपिएका संक्रमित सहित गण्डकी प्रदेशमा कोरोना संक्रमित हुनेको संख्या चार हजार २ सय २ पुगेको छ ।
