निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
एजेन्सी : स्पेनिस ला लिगामा एटलेटिको म्याड्रिड विजयी भएको छ । शनिबार सम्पन्न खेलमा एटलेटिकोले सेल्टा भिगोलाई २-० गोल अन्तरले पराजित गरेको छ ।
एटलेटिकोको जितमा लुइस स्वरेज र यानिक कारास्कोले एक एक गोल गरेका छन् । यसै सिजनाबाट बार्सिलोनाबाट एटलेटिको गएका स्वरेजले ला लिगामा ४ खेलमा तेस्रो गोल गरेका छन् । यो सँगै स्वरेजले ला लिगामा आफ्नो कुल १५० गोल पनि पुरा गरेका छन् । स्वरेज ला लिगामा छिटो १५० गोल पुरा गर्ने रोनाल्डोपछि दोस्रो खेलाडी हुन् ।
यो जितपछि एटलेटिकोले ला लिगामा दोस्रो जित हासिल गरेको छ । एटलेटिकोले ४ खेलमा २ जित र २ बराबरीसहित ८ अंकसहित लिगको चौथो स्थानमा रहेको छ । त्यस्तै सेल्टा भिगो भने ६ खेलमा तेस्रो हार बेहोरेको छ ।
