निष्पक्ष र विश्वसनीय खबरको सँगालो 
Khabar Punja
१० आश्विन २०८१, शुक्रबार
तनहुँ : कोरोना सङ्क्रमणबाट तनहुँको व्यास नगरपालिकाका एक वृद्धाको मृत्यु भएको छ । मृत्यु हुनेमा व्यास नगरपालिका–१ की ६८ वर्षीया महिला रहेको गण्डकी प्रदेश स्वास्थ्य निर्देशनालयले जनाएको छ ।
ती महिलाको गण्डकी मेडिकल कलेजमा पोखरामा निधन भएको हो । यससँगै तनहुँमा कोरोना सङ्क्रमणबाट मृत्यु हुनेको सङ्ख्या दश पुगेको छ । व्यास नगरपालिकाका चार, भीमाद नगरपालिकाका तीन, आँबुखैरेनी गाउँपालिकाका दुई, म्याग्दे गाउँपालिकाका एकक र शुक्लागण्डकी नगरपालिकाका एककाे कोरोना सङ्क्रमणबाट मृत्यु भएको छ ।
