निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
तनहुँ : तनहुँमा मङ्गलबार ११ जना कोरोना सङ्क्रमित थपिएका छन् । शुक्लागण्डकी नगरपालिका, भानु नगरपालिका र घिरिङ गाउँपालिकामा ११ जनामा कोरोना सङ्क्रमण पुष्टि भएको छ । शुक्लागण्डकी नगरपालिकामा पाँच, भानु नगरपालिकामा एक र घिरिङ गाउँपालिकामा पाँच जना सङ्क्रमित थपिएका छन् ।
स्वास्थ्य निर्देशनालयले सार्वजनिक गरेको विवरण अनुसार शुक्लागण्डकी नगरपालिका–४ का ५१ वर्षीया महिला, ५० वर्षीय पुरुष, शुक्लागण्डकी नगरपालिका–७ का १३ वर्षीया महिला, ६६ र ३० वर्षीय पुरुषमा सङ्क्रमण पुष्टि भएको छ । भानु नगरपालिका–१२ का ५५ वर्षीय पुरुष र घिरिङ गाउँपालिका–१ का २६, ३२, १७, २४ वर्षीय पुरुष र घिरिङ गाउँपालिका–३ का ५२ वर्षीया महिलामा पनि सङ्क्रमण पुष्टि भएको छ ।
