निष्पक्ष र विश्वसनीय खबरको सँगालो 
Khabar Punja
१० आश्विन २०८१, शुक्रबार
चितवन : चितवनमा रहनुभएका पूर्व युवराज पारस शाहको स्वास्थ्यमा समस्या आएको छ । अहिले उहाँ बसेकै होटलमा चिकित्सकहरूले उपचार थालेका छन् । मंगलबार साँझ नारायणगढ आएर एक होटलमा बस्नुभएका शाहलाई बुधबार साँझबाट छातीमा समस्या भएको थियो ।
शाह बिरामी भएको खबर पाएपछि चितवन मेडिकल कलेजका वरिष्ठ मुटुरोग विशेषज्ञ डा. श्यामराज रेग्मीसहित पाँच जनाको टोली परीक्षणका लागि होटल पुगेको छ । शाहको ईसीजी गर्नुका साथै रगत परीक्षण गरिनेछ ।
ईसीजी र रगत परीक्षणको नतिजा आएपछि शाहलाई के भएको हो भन्ने बारे एकिन भन्न सकिने डा. रेग्मीले बताउनुभयाे । शाहमा मुटुसम्बन्धी पुरानै समस्या रहेको थियो । सोही समस्या बल्झिएको हुनेसक्ने चिकित्सकहरूले बताएका छन् ।
