निष्पक्ष र विश्वसनीय खबरको सँगालो 
Khabar Punja
३ जेष्ठ २०८१, बिहीबार
दुलेगौँडा : गण्डकी प्रदेशमा शुक्रबार १ सय ३३ जना कोरोना संक्रमित थपिएका छन् । पछिल्लो २४ घण्टामा ६ सय १५ जनाको पिसीआर परिक्षण गर्दा ९ जिल्लामा उक्त संख्यामा संक्रमित थपिएका हुन् । ४ सय ८२ रिपोर्ट नेगेटिभ आएको छ ।
शुक्रबार सबैभन्दा धेरै कास्कीमा ६९ जना संक्रमित थपिएको स्वास्थ्य निर्देशनालय गण्डकीले जनाएको छ । स्याङजामा १९ जना, बाग्लुङमा १० जना, नवलपुर र गोरखाका ९÷९ जना, पर्वतका ८ जना, तनहुँका ६ जना, लमजुङका २ जना र म्याग्दीका १ जनालाई कोरोना पोजेटिभ पुष्टी भएको हो । मनाङ र मुस्ताङमा भने संक्रमित थपिएनन् ।
योसंगै गण्डकीमा कोरोना संक्रमितको संख्या ११ हजार ६ सय ८६ पुगेको छ । तीमध्ये ६ हजार ८ सय ५९ जना निको भएका छन् । सक्रिय संक्रमितको संख्या ४ हजार ६ सय ७९ जना रहेको निर्देशनालयको तथ्याङ्कमा उल्लेख छ ।
शुक्रबार १ सय १९ जना निको भए । ४ जना संक्रमितले पछिल्लो २४ घण्टामा ज्यान गुमाए । योसंगै गण्डकीमा कुल १ सय ४८ संक्रमितले ज्यान गुमाएका छन् । हालसम्म १ लाख ७ हजार ६ सय ५ जनाको पिसीआर परिक्षण गरिएको छ । ३ हजार ९ सय ६१ जना होम आईसोलेसनमा रहेको स्वास्थ्य निर्देशनालयले जानकारी दिएको छ ।
