निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
तनहुँ : तनहुँको शुक्लागण्डकी नगरपालिका–१२ स्थित मूलाबारी गाउँमा प्रत्येक घरमा धारा जडान गरिएको छ । खानेपानी तथा सरसफाई डिभिजन कार्यालय तनहुँको आर्थिक सहयोगमा मूलाबारीका घर–घरमा धारा जडान गरिएको हो ।
कार्यालयको रु सात लाखको सहयोगमा ट्याङ्की निर्माण गरेर १२ घरमा खानेपानी सुविधा पु¥याइएको वडाध्यक्ष मनराज गुरुङले जानकारी दिनुभयो । बस्तीभन्दा ६ सय मिटर टाढा रहेको मूलबाट ट्याङ्कीमा पानी सङ्कलन गरी घर घरमा खानेपानी पु¥याइएको छ । खानेपानी वितरणका लागि दश हजार घनमिटरको ट्याङ्की निर्माण गरिएको छ ।
यसभन्दा अगाडी यहाँका बासिन्दालाई खानेपानीका लागि तीन वटा धारा मात्रै थियो । “तीन वटा धाराबाट पानी उपयोग गर्दै आउनुभएका स्थानीयवासीलाई अब घरमै धारा पुगेपछि सहज भएको छ,” वडाध्यक्ष गुरुङले भन्नुभयो, “यसअगाडी ट्याङ्की पनि सानो र जीर्ण भइसकेको अवस्था थियो ।”
वडाको जसपुर, रातमाटा, गहे, लाकुरीबोट, मगरनास गाउँमा एक घर ः एक धारा घोषणा हुने चरणमा रहेको छ ।
