निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
पाेखरा : गण्डकी प्रदेशका पूर्वमन्त्री एवं प्रदेशसभा सदस्य हरिबहादुर चुमानले बाढीपहिरोबाट पीडित भएकाको उद्धार, राहत, पुनस्र्थापनाका साथै क्षतिग्रस्त संरचनाको पुनर्निर्माणमा जुट्न अनुरोध गर्नुभएको छ । अविरल वर्षाका कारण तनहुँको बन्दीपुर लगायतका ठाउँमा बाढीपहिरोले पु¥याएको क्षतिप्रति दुःख व्यक्त गर्दै पूर्वमन्त्री चुमानले पीडितलाई राहत दिन र क्षतिग्रस्त संरचनाको पुनर्निर्माणमा जुट्न अनुरोध गर्नुभएको हो ।
नेपाल सरकार, प्रदेश सरकार र स्थानीय सरकारलाई तत्काल राहत, पुनस्र्थापना र संरचनाको पुनर्निर्माणमा जुट्न चुमानले आग्रह गर्नुभयो । बन्दीपुरमा पहिरोले पुरिएर ज्यान गुमाउनेप्रति श्रद्धाञ्जली व्यक्त गर्दै चुमानले भन्नुभयो, “पहिरोमा पुरिएर घाइते भएका सबैको शीघ्रस्वास्थ्य लाभको कामना गर्दछु ।
पूर्वमन्त्री चुमानले बाढीपहिरोको घटनाबाट सिङ्गो तनहुँ जिल्ला मर्माहत भएको उल्लेख गर्दै धैर्यधारण गर्न आवश्यक सतर्कता अपनाउन अपिल गर्नुभयो ।
