निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
बन्दिपुर : नेपाल महिला संघ बन्दिपुर गाउँ कमिटीको प्रशिक्षण कार्यक्रम सम्पन्न भएको छ । प्रशिक्षण कार्यक्रममा नेपाली काँग्रेस तनहुँका सभापति एवं व्यास नपाका प्रमुख बैकुण्ठ न्यौपानेले पार्टीमा महिलाको भूमिका महत्त्वपूर्ण रहेकाले महिलाहरु अग्रसर हुनुपर्ने बताए ।
काँग्रेस जिल्ला सचिब विश्व बास्तोलाले १४ औं महाधिवेशनमा महिलाको भूमिका, अवसर र चुनौतिबारे प्रशिक्षण दिएका थिए ।
नेपाल महिला संघ बन्दिपुर गाउँ कार्यसमितिकी उप-सभापति रिता तिवारीको सभापतित्वमा भएको कार्यक्रममा काँग्रेस महाधिवेशन प्रतिनिधि एवं गण्डकी प्रदेशकी सांसद सरिता गुरुङ, महिला संघ तनहुँकी सभापति पवित्रा पौडेल, म्याग्दे गापाकी अध्यक्ष मायादेवी राना, व्यास नपाकी उप-प्रमुख मिरा जोशी, आँबुखैरेनी गापाकी उपाध्यक्ष पुष्पादेवी श्रेष्ठ लगायतले १४ औं महाधिवेशनमा महिलाको भूमिका, अवसर र चुनौतिका बारेमा मन्तव्य राखेका थिए ।
