निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
काठमाडौ ।लप्पन छप्पन २ को प्रदर्शन मिति नजिकैएसँगै अस्ट्रेलियामा रहेका नायक शक्ति श्रेष्ठ फिल्मको प्रचारका लागि नेपाल आउन लागेका छन् ।
फिल्म रिलिजकै लागि अस्ट्रेलिया देखि नेपाल आउने शक्तिको निर्णयले उनले लप्पन छप्पन २ बाट राम्रै आशा राखेको बुझिन्छ ।
सौगात मल्ल, अनुप बिक्रम शाही, अर्पण थापा, एन्जल श्रेष्ठ लगायत मल्टीस्टार रहेको फिल्मको ट्रेलरमा शक्तिलाई विशेष स्थान नदिए पनि उनले फिल्मको प्रचारमा देखिएको सक्रियताले फिल्म भित्र शक्तिको राम्रो भुमिका भएको आँकलन गर्न सकिन्छ ।
शक्तिले आफ्नै बाबु एक्सन नायक शिव श्रेष्ठले बनाएको फिल्म ‘एउटा यस्तो प्रेम कहानी’मा डेब्यु गरेका थिए । करिष्मा मानन्धरकी छोरी कवितासँगै स्क्रिन सेयर गरेका शक्तिले फिल्ममा आशा गरे अनुसार फिल्म निर्माण नभएकाले प्रदर्शनका बेला सामाजिक सन्जालमा समेत फिल्मको प्रचार गरेका थिएनन् ।
कोरोना कहर अगाडी नै निर्माण भएर प्रदर्शन रोकिएको फिल्मको निर्देश मुकुन्द भट्टले गरेका छन् ।
