निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
ऋषिङ । तनहुँको ऋषिङ गाउँपालिकाले कृषकलाई ५० प्रतिशत अनुदानमा कृषि उपकरण वितरण गरेको छ। गाउँपालिकाले वडा नम्बर ४ भिरकोटका कृषकलाई अनुदानमा हाते ट्याक्टर वितरण गरेको हो ।
परम्परागत रुपमा कृषि पेशा गर्दै आएका कृषकलाई व्यावसायिक बनाउन दश जना कृषकलाई हाते ट्याक्टर उपलब्ध गराइएको प्रवक्ता विजय दरैले जानकारी दिए ।
गाउँपालिकाका अध्यक्ष राजेन्द्रकृष्ण श्रेष्ठले कृषिलाई प्राथमिकतामा राखिएको बताए । ‘लागत घटाउँदै कृषिमा यान्त्रिकरण गर्नका लागि कृषकलाई उपकरण दिएका हौ,’ उनले भने ।
हाते ट्याक्टर पाएपछि यहॉका कृषक खुसी भएका छन् । खेतबारी जोत्नका लागि गोरुको प्रयोग गर्दा लागत महङ्गो हुने गरेकाले हाते ट्याक्टरले लागत पनि कम गराउने बताइएको छ ।
