निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
म्याग्दे । म्याग्दे गाउँपालिका-४ मनहरिस्थित आदर्श नमूना क्लवको आयोजनामा जारी दशौ आदर्श तथा पॉचौ तारा स्मृति कपको फाइनलमा मसिना युवा क्लव र समृद्धि युवा क्लव भिड्ने भएका छन् ।
आदर्श तारा मनहरि खेलमैदानमा दिउँसो १ बजे फाइनल खेल हुँदैछ । मसिना डिजी युनाइटेड क्लवलाई पराजित गर्दै फाइनलमा प्रवेश गरेको हो भने समृद्धिले आदर्श नमूना क्लव ‘ए’ लाई हराउँदै फाइनलको यात्रा तय गरेको हो ।
प्रतियोगितामा विजेतालाई नगद एक लाख र उपविजेतालाई ५० हजार प्रदान गरिने क्लवका अध्यक्ष गौरवराज रानाले जानकारी दिए । क्लवले विसं २०६८ सालदेखि फुटबल प्रतियोगिता आयोजना गर्दै आएको छ ।
