निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
दमौली । व्यास नगरपालिकाले वडा नम्बर १० स्थित मंगलीगैह्रामा सरसफाई केन्द्र स्थापना गर्ने भएको छ । फोहरमैला व्यवस्थापनका लागि नगरपालिकाले मंगलीगैह्रामा जग्गा खरिदको प्रकृया अगाडी बढाएको छ।
नगर प्रमुख वैकुण्ठ न्यौपानेको अध्यक्षतामा मंगलबार बसेको कार्यपालिका बैठकले त्यस ठाउँको प्रस्तावित जग्गा खरिदका लागि संघीय सरकारसँग स्वीकृति माग गर्ने निर्णय भएको छ ।
नगरपालिकालाई फोहरमैला व्यवस्थापन टाउको दुखाई बन्दै आएको छ । व्यास-३ स्थित भतेरीमा फोहर फाल्दै आइएकामा मादी नदीले त्यस ठाउँ कटान गरिदिएपछि त्यहॉ फोहर फाल्न छाडिएको थियो । व्यासले अहिले व्यास-१३ स्थित बुद्धसिं मार्गको बाटो छेउमै फोहर फाल्ने गरेको छ ।
