निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमाैली । मंसीर ४ गतेको संघीय निर्वाचनमा तनहुँ क्षेत्र नम्बर १ बाट उम्मेदवार बन्ने घोषणा गरेका नेपाली काँग्रेसका पूर्व सहमहामन्त्री तथा पूर्वगृहमन्त्री गोविन्दराज जोशीको समूहले चुनावी अभियान सुरु गर्ने भएको छ । चुनावी अभियानको पूर्वमन्त्री जोशीले शुरुवात गर्नेछन् ।
अभियानको सुरुवातका लागि जाेशी बिहीबार दमाैली आइपुगेका छन् । समूहले शुक्रबार दमौलीमा भेलाको आयोजना गरेको छ । सोही भेलाले चुनावी अभियान सुरु गर्ने बताइएकाे छ ।
नेता जोशी समूहकाे सचिवालयले चुनावी अभियानको कार्यक्रम तालिका समेत तय गरिसकेको छ । जसअनुसार भदौ १७ गते दमौली, १८ गते मानेचौका, १९ गते डुम्रे बजारमा नेपाली काँग्रेसका अगुवा कार्यकर्तासँग भेटघाट एवं छलफल गर्ने कार्यक्रम रहेको छ । भदौ २० गते विपी विचार समाज जिल्ला कार्य समिति तनहुँको वैठकमा सहभागी हुने कार्यक्रम रहेकाे जनाइएकाे छ ।
मंसिर ४ गते तोकिएको संघ तथा प्रदेश निर्वाचनको तयारीको सम्बन्धमा कार्यकर्तासँग राय, सुझाव तथा परामर्शको लागि तनहुँ क्षेत्र नम्बर १ को तीन ठाउँलाई भेटघाट गर्ने कार्यक्रम तय गरिएको जोशीको सचिवालयले जनाएको छ ।
नेपाली काँग्रेस पार्टीको वर्तमान नेतृत्वले तय गरेको निर्वाचन सम्बन्धि चिन्तन, गठबन्धन र कार्यशैली प्रति असतुष्टि जनाउँदै आएका जाेशी तनहुँ १ बाट उठ्ने तयारीमा छन् ।
