निष्पक्ष र विश्वसनीय खबरको सँगालो 
Khabar Punja
१३ कार्तिक २०८३, शुक्रबार
तनहुँ, १२ कात्तिक । शुक्रबार बिहान मुग्लिन–पोखरा सडकखण्डमा १७६ वटा सवारीसाधनका चालकलाई ट्राफिक नियमसम्बन्धी सचेतना गराइएको छ।
जिल्ला प्रहरी कार्यालय तनहुँ र जिल्ला ट्राफिक प्रहरी कार्यालय तनहुँको संयुक्त पहलमा सञ्चालन गरिएको कार्यक्रममा ४२ वटा दुईपाङ्ग्रे, ५९ वटा साना चारपाङ्ग्रे र ७५ वटा ठूला सवारीसाधनका चालकलाई सचेत गराइएको हो।
कार्यक्रममा सडकको अवस्था, लेन अनुशासन र ट्राफिक नियमको पालना गर्नुपर्ने विषयमा चालकलाई जानकारी गराइएको प्रहरीले जनाएको छ।
सवारी दुर्घटना न्यूनीकरण तथा सुरक्षित यात्रा सुनिश्चित गर्ने उद्देश्यले प्रहरीले मुग्लिन–पोखरा सडकखण्डमा चालक सचेतना कार्यक्रमलाई निरन्तरता दिँदै आएको छ।
