निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
दमाैली । मेगा बैंक नेपाल लिमिटेड जामुने शाखाले म्याग्दे गाउँपालिका–४ थर्पुस्थित मिन माध्यमिक विद्यालयमा बुधबार वित्तीय साक्षरता सञ्चालन गरेको छ । विद्यालयका शिक्षक तथा प्लस २ व्यवस्थापन संकायका विद्यार्थीलाई लक्षित गरी बैंकले वित्तीय साक्षरता सञ्चालन गरेको हो ।
सो क्रममा शिक्षक तथा विद्यार्थीलाई बैकिङ, शेयर लगानी तथा डिजिटल बैंकिङका बारेमा जानकारी गराइएको थियो ।
कार्यक्रममा बैंकका प्रबन्धक विश्वराज पौडेल र सहायक कर्मचारी अर्जुन घिमिरेले सहजीकरण गरेका थिए ।
विद्यालयका प्रधानाध्यापक राजेन्द्र भण्डारीले वित्तीय साक्षरता कार्यक्रमले बैकिङ सेवाका बारेमा शिक्षक तथा विद्यार्थीलाई जान्ने अवसर मिलेको भन्दै बैंकप्रति धन्यवाद ज्ञापन गरे ।
