निष्पक्ष र विश्वसनीय खबरको सँगालो 
Khabar Punja
२४ पुष २०८१, बिहीबार
दमाैली । तनहुँकाे म्याग्देस्थित गुणादीका युवाहरुले दमौलीमा ल्याइएको पानी बन्द गराएका छन् । दमौली खानेपानी उपभोक्ता संस्थाले गुणादीबाट ल्याएर दमौलीवासीलाई वितरण गर्दै आएको पानी गुणादीका युवाहरुले शनिबारदेखि बन्द गराएका हुन् ।
नेपाली काङ्ग्रेसका वरिष्ठ नेता रामचन्द्र पौडेलले जामुनेको पानीलाई चुना परेको पानी भनेर सार्वजनिक रुपमा भनेपछि आक्रोशित युवाहरुले शनिबारदेखि पानी बन्द गरिदिएका हुन् ।
शुक्रबार दमौलीमा आयोजित पाटीको कार्यक्रममा पौडेलले भनेका थिए, ‘गुणादीको चुना परेको पानी खाँदा दमौलीमा मानिस बिरामी परेँथे, अहिले हेर्नुस् त मादीको पानी खाएपछि सबै निरोगी भए ।’
पौडेले सार्वजनिक रुपमा माफी नमागेसम्म पानी नखोलिने युवाहरुले बताएका छन् ।
