निष्पक्ष र विश्वसनीय खबरको सँगालो 
Khabar Punja
२२ पुष २०८१, मंगलवार
दमाैली । तनहुँको व्यास नगरपालिका–१ तालघरेमा सिङ्गुसको टोकाइबाट बुधबार एकको मृत्यु भएको छ । सिङ्गुसको टोकाइबाट अन्य तीन जना घाइते भएका छन् ।
मृत्यु हुनेमा व्यास नगरपालिका–११ बस्ने ६७ वर्षीय गङ्गाप्रसाद सुवेदी रहेको प्रहरी नायब उपरिक्षक युवराज खड्काले जानकारी दिए।
बाटोमा हिँडिरहेका बेला एक्कासी सिङ्गुसले टोक्दा घाइते ती व्यक्तिको दमौली अस्पतालमा मृत्यु भएको प्रहरी नायब उपरिक्षक युवराज खड्काले जानकारी दिए । सिङ्गुसको टोकाइबाट घाइते अन्य तीन जनाको अवस्था सामान्य रहेको उनले बताए ।
“पैदल हिँडिरहेका बेला एकैचोटी धेरै सिङ्गुसले टोकेको रहेछ, घाइतेलाई दमौली अस्पताल ल्याइएकामा चिकित्सकले मृत घोषणा गरेका छन्,” प्रनाउ खड्काले भने ।
