निष्पक्ष र विश्वसनीय खबरको सँगालो 
Khabar Punja
२२ पुष २०८१, मंगलवार
काठमाडौं । हिमालपारिको जिल्ला मुस्ताङबाट चुनावी नतिजा आफ्नो पक्षमा पार्दै नेपाली कांग्रेसले विजयी सुरुवात गरेको छ ।
मुस्ताङबाट प्रतिनिधिसभा सदस्यमा कांग्रेस उम्मेदवार योगेश गौचन ३ हजार ९९२ मतका साथ विजयी भएका छन् । उनका निकटतम प्रतिस्पर्धी नेकपा एमालेका निवर्तमान सांसद प्रेम तुलाचन ३ हजार ७८ मतमा रोकिएका छन् ।
प्रतिस्पर्धामा उत्रीएका गौचन र तुलाचन नाताले सालाभेना हुन् । २०७४ को निर्वाचनमा तुलाचनले योगेशका बुवा रोमिलाई पराजित गरेका थिए । छोरालाई काङ्ग्रेसको टिकट सुम्पिएका रोमिले छोरामार्फत नै हारको बदला लिएका छन् ।
