निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमौली । ६५ औ लियो दिवसको अवसरमा म्याग्दे गाउँपालिका-६ स्थित अकला मन्दिरमा डस्टवीन वितरण गरिनुका साथै सरसफाई गरिएको छ । लियो क्लव अफ म्याग्देले प्रसिद्ध धार्मिकस्थल अकलादेवी मन्दिरमा सोमबार डस्टवीन वितरण गरेको हो ।
अकलामन्दिर क्षेत्र सफा राख्न सहयोग पुर्याउने उद्धेश्यले डस्टवीन वितरण गरिएको लियो क्लवका एड्भाइजर गौरवराज रानाले बताए ।
कार्यक्रममा लियोका अध्यक्ष शैलेश अधिकारीले क्लवले सामाजिक क्षेत्रमा सहयोग पुर्याउँदै आएको बताए। अकला मन्दिर व्यवस्थापन तथा संरक्षण समितिका कोषाध्यक्ष लक्ष्मी वाग्लेले क्लवले गरेको सहयोगप्रति आभार व्यक्त गरिन् ।
क्लवका प्रथम उपाध्यक्ष रोशन श्रेष्ठ, तृतीय उपाध्यक्ष प्रविन घिमिरे, सचिव देवी थापा लगायतले लियो क्लवले गर्दै आएका कार्यको बारेमा जानकारी गराए ।
