निष्पक्ष र विश्वसनीय खबरको सँगालो 
Khabar Punja
२३ बैशाख २०८१, आईतवार
दमौली। आँबुखैरेनी गाउँपालिका-३ स्थित आँबुखैरेनी मिलनचोकदेखि आँबुगाउँसम्म सडक कालोपत्रेको काम रोकिएपछि वडा सदस्य मनोज कुमार श्रेष्ठले चासो व्यक्त गरेका छन् ।
श्रेष्ठले शनिबार सडक कालोपत्रेको जिम्मा लिएका ठेकेदार उमेश रिजाल समक्ष कार्यालयमा गई चासो व्यक्त गरेका हुन् । ठेकेदारले दशैं अगाडी नै सो सडक कालोपत्रे सम्पन्न पूरा गर्ने जनाएपनि तापक्रमको कारण देखाउँदै हालसम्म काम हुन नसकेको बताएका छन् ।
अहिले चिसो मौसम भएको र तापक्रम कम भएकाले कालोपत्रे गर्न समस्या रहेको रिजालले बताएका छन् । फागुन लगत्तै कालोपत्रेको काम धमाधम अगाडी बढ्ने उनले बताएको वडा सदस्य श्रेष्ठले जानकारी दिए ।
