निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमाैली । व्यास नगरपालिकामा कर्मचारी र प्रमुख प्रशासकीय अधिकृत भएको विवादले नगरवासीलाई लज्जित बनाएको राप्रपा नेपालले जनाएको छ । राप्रपा व्यास नगर समितिले आइतबार नगरप्रमुख वैकुण्ठ न्यौपानेलाई ज्ञापनपत्र बुझाउँदै यो घटनाले नगरवासीको शिर झुकाएको उल्लेख गरिएको छ ।
नगर समितिका अध्यक्ष आइतबहादुर घलेद्वारा बुझाइएको ज्ञापनपत्रमा भनिएको छ, “ कार्यालयभित्रको प्रशासकीय अधिकृत र अन्य कर्मचारीबीचको विवादित घटनाले हामी स्थानीय व्यास नगरवासीहरुलाई लज्जित बनाएको छ । साथै चिन्ताको विषय पनि बनेको छ ।”
विज्ञप्तीमा प्रशासकीय कामकाजमा समेत समस्या आउन सक्ने कुरालाई मध्यनजर गर्दै सर्वपक्षीय सहमति तथा उपस्थितिमा यथाशीघ्र सत्य तथ्य छानबिन गरी समस्या समाधान गर्न माग गरिएको छ ।
