निष्पक्ष र विश्वसनीय खबरको सँगालो 
Khabar Punja
१२ बैशाख २०८१, बुधबार
दमौली । व्यास नगरपालिका-३ स्थित वाराही आवासीय माध्यमिक विद्यालय र नेशनल एपोलो अस्पतालबीच स्वास्थ्य सम्झौता गरिएको छ । सरस्वती पूजाको अवसर पारेर बिहीबार विद्यालयमा आयोजित कार्यक्रममा अस्पतालसँग सम्झौता गरिएको हो ।
विद्यालयका अध्यक्ष शंकरनारायण श्रेष्ठ र अस्पतालका अध्यक्ष चुडामणि दाहालले उक्त सम्झौतापत्रमा हस्ताक्षर गरेका छन् ।
सम्झौता अनुसार विद्यालयका शिक्षक, कर्मचारी र विद्यार्थीलाई एपोलो अस्पतालमा एउटा ओपिडीको टिकटले वर्षभरि नै स्वास्थ्य परीक्षण लगायतका विभिन्न स्वास्थ्य सेवा उपलब्ध गराउने प्रिन्सिपल उदित पौडेलले जानकारी दिए ।
