निष्पक्ष र विश्वसनीय खबरको सँगालो 
Khabar Punja
८ बैशाख २०८१, शनिबार
काठमाडौं । टर्कीमा सोमबारको भूकम्पपछि कम्तीमा सात हजार ९२६ जनाको मृत्यु भएको पुष्टि भएको छ । करिब ४० हजारजना घाइते भएका सीएनएनले जनाएको छ ।
टर्की र सिरियामा गरी अहिलेसम्म झन्डै आठ हजारजनाको मृत्यु भएको हो । सिरियामा मात्र एक हजार ९०० भन्दा बढी मानिसको मृत्यु भएको बीबीसीले जनाएको छ ।
मानिस सुतिरहेको समयमा टर्कीको गाजियन्टेपनजिकै केन्द्रविन्दु भएर ७.८ म्याग्निच्युडको भूकम्प गएको थियो । भूकम्पका कारण हजारौँ भवनहरू भत्किएको बीबीसीले जनाएको छ ।
स्थानीय समयानुसार सोमबार बिहान ४ बजेर १७ मिनेटमा गएको उक्त भूकम्पको केन्द्रविन्दु जमिनको सतहबाट १७.९ किमि गहिराइमा थियो । सोमबारै दिउँसो टर्कीमा अर्को शक्तिशाली भूकम्प गएको थियो । ७.५ म्याग्निच्युडको उक्त भूकम्पको केन्द्रविन्दु कहरामनमारस प्रान्तको एल्बिस्तान जिल्लामा रहेको बीबीसीले जनाएको छ ।
मृतक र घाइतेको संख्या अझै बढ्न सक्ने अनुमान गरिएको छ । अहिले पनि धेरै मानिस भग्नावशेषमा फसेका सीएनएनले जनाएको छ ।
