निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
चितवन । नवलपुरमा आयोजित गैडाकोट मेयरकप क्रिकेट प्रतियोगिताको उपाधि चितवनले जितेको छ । सोमबार सम्पन्न फाइनलमा तनहुँलाई हराउँदै चितवनले उपाधि जितेको हो ।
तनहुँलाई ५२ रनको फराकिलो अन्तरमा हराउँदै चितवनले उपाधि रक्षा गरेको हो ।
नव जागरण ग्रामीण विकास केन्द्रको मैदानमा टस जितेर पहिला ब्याटिङ रोजेको चितवनले निर्धारित २० ओभरमा ५ विकेटको नोक्सानीमा १ सय ५८ रन बनायो ।
बलिङमा तनहुँका प्रदीप अर्यालले २ तथा कप्तान चन्द्रकान्त पौडेल, सुवास खत्री र दिवस आचार्यले समान १ विकेट लिए ।
१ सय ५९ रनको विजय लक्ष्य पछ्याउदै जवाफी ब्याटिङ थालेको तनहुँ १४ बल बाँकी छदै सबै विकेट गुमाएर १ सय ६ रनमा समेटिन पुग्यो ।
तनहुँका लागि मध्यक्रममा अशोक पौडेलले सर्वाधिक ४३ रन बनाए । यस्तै चन्द्रकान्त पौडेले १७, सुवास खत्रीले १३ र दिपेश बुढा मगरले ११ रन बनाए ।
बेष्ट विकेट किपर तनुहँका समर कडेलले पाउदा फेयर प्ले टिमको अवार्ड बाग्लुङले पायो ।
प्रतियोगिताको विजेता टोलीले २ लाख नगद, मेडल, ट्रफी र प्रमाणपत्र प्राप्त गरेका छन् भने उपविजेता टोलीले १ लाख ५० हजार नगद, मेडल, ट्रफी र प्रमाणपत्र प्राप्त गरेका छन् ।
माघ २६ गतेदेखि सञ्चालन भएको प्रतियोगितामा ८ टोलीको सहभागिता थियो ।
