निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
पोखरा । बुधबार पोखरामा मिस नेपालको छनोट हुने भएको छ । द हिडन ट्रेजरको आयोजना हुने मिस नेपाल २०२३ को लागि छनोट हुन लागेको हो ।
छनोटको लागि मंगलबार ओरिन्टेसन कार्यक्रम हुने आयोजक हिडन ट्रेजरका निर्देशक प्रमोद कंशाकरले जानकारी दिए । उनका अनुसार प्रतियोगितामा भाग लिनका लागि न्यूनतम ५ फिट ३ इन्च उचाइ र १८ देखि २७ वर्ष उमेर समूहको हुनुपर्नेछ । प्रतियोगितामा सहभागी हुनका लागि शुल्क नलाग्ने उनले बताए ।
जेठ १३ गते हुने मिस नेपाल २०२३ का छनोट हुनेछन् । चैत १ गतेसम्म प्रतियोगिताका लागि आवेदन दिने म्याद छ । प्रतियोगितामा मिस नेपालसहित मिस नेपाल अर्थ र मिस नेपाल इन्टरनेसनल विधामा उत्कृष्ट घोषणा गरिनेछ ।
सोमबार पोखरामा पत्रकार सम्मलेन गर्दै यो पटक पोखरामै मिस नेपालको २ सबइभेन्ट हुने जानकारी गराइयो । कशांकरले भने, ‘ग्राण्ड फिनालेभन्दा अगाडि बैशाखमा पोखरामा २ वटा सबइभेन्ट गर्नेछौं ।’
मिस नेपाल आयोजक संस्था हिडन ट्रेजर यतिबेला देश दौडाहामा छ । इटहरी, वीरगञ्ज हुँदै सोमबार पोखरा आइपुगेको हो ।
सातै प्रदेशका प्रमुख सहरमा पहिलो पटक क्राउन प्रर्दशन गर्ने निर्देश सुवर्ण क्षेत्रीले बताए ।
