निष्पक्ष र विश्वसनीय खबरको सँगालो 
Khabar Punja
१८ बैशाख २०८१, मंगलवार
काठमाडौं । नेकपा एकीकृत समाजवादी पार्टीका सांसद किसान श्रेष्ठ पार्टी अध्यक्ष माधवकुमार नेपालको निवास पुगेका छन् ।
मंगलबार दिउँसो ओली निवास बालकोट पुगेका उनि साँझ नेपाल निवास कोटेश्वर पुगेका हुन् ।
सांसद श्रेष्ठले नेपाललाई भेटेर दिउँसो ओलीसँग भएको भेटघाटबारे ब्रिफिङ गरेका हुन् ।
‘नेकपा एकीकृत समाजवादी पार्टीले राष्ट्रपतिमा आफ्नो दाबी कायम राखेको छ, मैले यही विषयमा दिउँसो एमाले अध्यक्ष केपी शर्मा ओलीसँग कुराकानी गरेको हुँ ‘ श्रेष्ठले भने, ‘त्यही कुरा साँझ नेपाल कमरेडसँग पनि भयो ।’
भावी राष्ट्रपतिबारे ओलीसँग झन्डै दुई घन्टा छलफल गरेका उनले नेपाललाई ओलीसँग भेट गर्न सुझाव दिएका छन् ।
