निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
दमौली । नेपाली कांग्रेसका नेता मिनेन्द्र रिजालले अर्को उम्मेदवारको चर्चा गरेर कांग्रेसले चुनाव नजित्ने बताएका छन् । शनिबार दमौलीमा आयोजित कांग्रेसका बुद्धिजीविसँगको अन्तरक्रियामा रिजालले तनहुँका कांग्रेसले मनको आशंका हटाउनुपर्ने जिकिर गरे ।
‘हामीले हाम्रो उम्मेदवारको कुरा गर्ने हो, अरु उम्मेदवारका चर्चा गर्न थाले हामी चुनाव जित्दैनौ । मनमा आशंका लिएर जनतामाझ जाने होइन, जित्छौ कि जित्दैनौ भनेर जनतामाझ जाने होइन । मनको आशंका मेटाएर हामी जित्छौ भनेर जानुपर्छ,’ उनले भने ।
तनहुँबाट जितेको व्यक्ति आज राष्ट्रपति भएको बताउँदै उनले यसमा गर्व गर्नुपर्ने बताए । ‘राष्ट्रपतिको जिल्लामा बसेर कांग्रेसको कुरा गर्ने हो, गोविन्द भट्टराईको कुरा गर्ने हो,’ उनले भने ।
