उम्मेदवारी दर्तामा स्वर्णिमलाई गाली गरेका गगनले चुनावी सभामा उनकाे नाम लिएनन् !
× गृहपृष्ठ तनहुँ विशेष गण्डकी प्रदेश प्रदेश देश राजनीति आर्थिक स्वास्थ्य विचार सुचना प्रविधि मनोरञ्जन खेलकुद सम्पादकीय फोटो पुञ्ज युनिकोड
  • आम निर्वाचन २०७९

    उम्मेदवारी दर्तामा स्वर्णिमलाई गाली गरेका गगनले चुनावी सभामा उनकाे नाम लिएनन् !

    खबरपुञ्ज संवाददाता

    ४ बैशाख २०८०, मंगलवार

    दमाैली । गत चैत २० गते तनहुँ-१ को प्रतिनिधिसभा सदस्य उपनिर्वाचनका लागि आयोजित कार्यक्रममा कांग्रेस महामन्त्री गगनकुमार थापाले डा. स्वर्णिम वाग्लेमाथि चर्को आलोचना गरे । त्यतिबेला थापाले वाग्लेलाई अवसरवादीको संज्ञा दिए ।

    आफूहरु नेपालको परिवर्तनका लागि ढुंगा हान्दै गर्दा वाग्ले विदेशमा जागिर खाइरहेको भन्दै थापाले उनको आलोचना गरे । कांग्रेसमा हुँदा थापाको निकट रहेका वाग्लेले दल फेरेर रास्वपाबाट उम्मेदवार बनेपछि थापा आक्रोशित बनेका थिए ।

    त्यतिबेला थापाको सामाजिक सञ्जालमा चर्को आलोचना भयो । पूर्व प्रधानमन्त्री डा. बाबुराम भट्टराईले त ट्विटरमार्फत् थापाको आलोचना गरे ।

    सत्तारुढ गठबन्धनले मंगलबार दमौलीमा आयोजना गरेको चुनावी सभामा भने वाग्लेको प्रसंगै निकालेनन् । बरु उनले कांग्रेसका उम्मेदवार गोविन्द भट्टराईको प्रशंसा गरे । संसदमा भट्टराईको उपस्थिति आफूहरुले चाहेको थापाले बताए ।