निष्पक्ष र विश्वसनीय खबरको सँगालो 
Khabar Punja
११ माघ २०८१, शनिबार
पोखरा । गण्डकी प्रदेशको मुख्यमन्त्रीमा नेपाली कांग्रेस संसदीय दलका नेता सुरेन्द्रराज पाण्डेले नियुक्त भएका छन् । प्रदेश प्रमुख पृथ्वीमान गुरुङले उनलाई मुख्यमन्त्री नियुक्त गरेका हुन् ।
नेपाली कांग्रेसका २७, नेकपा माओवादी केन्द्रका ७ र नेकपा एकीकृत समाजवादी पार्टीका १ गरेर ३५ सांसदको हस्ताक्षरसहित केही बेर अगाडि पाण्डेले मुख्यमन्त्रीमा दाबी पेश गरेका थिए ।
प्रदेश प्रमुख पृथ्वीमान गुरुङले मंगलबार सरकार गठनका लागि आह्वान गरेका थिए । ३ दिनको म्याद दिएर गुरुङले नेपालको संविधानको धारा १६८ को २ अनुसार सरकार गठनका लागि आह्वान गरेका गरेका हुन् । सोही अनुसार पाण्डेले दाबी पेश गरेका थिए ।
माओवादी, राप्रपासहितको समर्थनमा मुख्यमन्त्री नियुक्त भएका नेकपा एमालेका खगराज अधिकारी नेतृत्वको सरकारले विश्वासको मत पाउन नसकेपछि वैशाख ९ गते सरकार ढलेको थियो । उनी पुस २५ गते मुख्यमन्त्री बनेका थिए । केन्द्रको सत्ता समीकरण बदलिएसँगै माओवादीले चैत १० गते समर्थन फिर्ता लिएपछि अकिकारी नेतृत्वको सरकार धरमराएको थियो ।
