आफ्नो जेल जीवनको झल्को दिने गरी पलले ल्याए म्युजिक भिडिओ
× गृहपृष्ठ तनहुँ विशेष गण्डकी प्रदेश प्रदेश देश राजनीति आर्थिक स्वास्थ्य विचार सुचना प्रविधि मनोरञ्जन खेलकुद सम्पादकीय फोटो पुञ्ज युनिकोड
  • देश

    आफ्नो जेल जीवनको झल्को दिने गरी पलले ल्याए म्युजिक भिडिओ

    खबरपुञ्ज संवाददाता

    २७ बैशाख २०८०, बिहीबार

    काठमाडौ । नाबालिग बलात्कारको अभियोगमा एक वर्ष जेल बिताएका अभिनेता पल शाहले सोही समयको झल्को दिने गरी म्युजिक भिडियो सार्वजनिक गरेका छन् । ‘तिमीलाई हेर्ने बानी पर्यो’ शीर्षकको गीतमा बनेको भिडियोमा विगतका वर्षमा उनले भोगेका सादृश्य क्षणहरू उतारिएको छ । १ वर्षको जेल बसाइपछि अदालतले उनलाई निर्दोष ठहर गर्दै रिहाइको आदेश दिएको थियो ।

    अनु चौधरीको स्वर रहेको गीतको भिडियोमा पल शाह जेल गएको र उनी जेल गएपछि परिवारले गरेको संघर्षलाई स्थान दिइएको छ । त्यसैगरी उनका लागि हरेक धर्म समुदायका मानिसले प्रार्थना गरेको पनि देखाइएको छ । वास्तविक जीवनमा पनि पल शाहको रिहाइका लागि भन्दै माइतीघरमा प्रदर्शन भएको थियो ।

    भिडियोमा उनी १ वर्षपछि छुटेको र उनलाई माला र पूजाआजासहित घर भित्र्याइएका दृश्य पनि दुरुस्त राखिएको छ । 

    जेल जीवन बिताएर फर्किएपछि मेला महोत्सवमा देखिएका पल शाह भिडियोमा पहिलोपल्ट देखिएका हुन् । भिडियोमा उनले अभिनयसँगै निर्देशन पनि गरेका छन् । यही गीतको पुरुष स्वरलाई पनि पल आफैँले निर्देशन गरेका थिए । गीतको सिर्जना र गायन भने पुष्पन प्रधानले गरेका हुन् ।